(آغا ڈائیلسس سینٹر (اے ڈی سی

آغا ڈائلسس سینٹر (اے ڈی سی) بین الاقوامی طرز کی ہمیو ڈائیلسس ہیلتھ کیئر کی سہولت فراہم کرنے کے لیے قائم کیا گیا ہے۔ پاکستان میں کسی بھی دوسرے ڈائیلسس سینٹر کی بہ نسبت اے ڈی سی نہ صرف مریضوں کو ڈائیلسس کے توسیعی گھنٹے فراہم کرتا ہے بلکہ اپنے اسٹریٹیجک پارٹنر حسینی ہیما ٹولوجی اینڈ بلڈ بینک کے ذریعے بلا معاوضہ لیب اور خون کے ٹیسٹ کی سہولت بھی فراہم کرتا ہے۔ ڈائیلسس کے دوران بلا معاوضہ دوائیں بھی فراہم کی جاتی ہیں۔ دوسرے سینٹر نے حال ہی میں فاطمیہ اسپتال کراچی میں اپنے کام کا آغاز کیا ہی جبکہ تیسرا امام کلینک پر زیر تعمیر ہے۔ آغا ڈائیلسس سینٹرز پر مریضوں کو نہ صرف بین الاقوامی معیار کی  Toray R مشینوں پر ڈائیلسس کے توسیعی گھنٹے فراہم کیے جاتے ہیں بلکہ انہیں عام زندگی کے دھارے میں واپس لانے کے لیے ان کی نفسیاتی تربیت بھی کی جاتی ہے۔ کمپنی پاکستان کے تمام صوبوں میں ۱۰ ڈائیلسس سینٹرز کے قیام کا منصوبہ رکھتی ہے۔

دیہی علاقہ جات کو سہولیات کی فراہمی

اس اسکیم میں صاف پانی کی قلت کا شکار ملک کے دیہات میں پانی کی فراہمی کے لیے شمسی توانائی سے چلنے والے ٹیوب ویلوں کی تنصیب کی جا رہی ہے۔ تا حال اندرون سندھ تین مقامات پر تنصیب کا عمل جاری ہے جبکہ اگلا ہدف بلوچستان مین دو مقامات پر اس کی تنصیب ہے۔ مزید پانچ مقامات پر موزونیت اور جیولوجیکل ڈیزائن کے مرحلے پر کام جاری ہے جن کے مستقبل قریب میں مکمل ہونے کی امید ہے۔ کمپنی ان ٹیوب ویلوں پر ریسورس اوسموسس پلانٹس بھی نصب کرے گی تا کہ ملک کے پسماندہ اور غریب علاقوں میں صاف اور صحت بخش پانی میسر آ سکے۔

اے ایس آئی ایل کیئرز

یہپروگرام نئی سہولتوں کی تنصیب اور خدمات کی فراہمی کے ذریعے موجودہ یتیم خانوں کی حالت زار بہتر بنانے کے لیے آغا ویلفیئر ٹرسٹ کی جانب سے شروع کیا گیا ہے۔ اس پروگرام میں کراچی کے پسماندہ علاقوں میں بجوں کے لیے کھیلوں اور جھولوں کی تنصیب کے ساتھ ساتھ بلدیہ کے زیر عمل پارکوں اور اسکولوں کی صفائی بھی شامل ہے۔ حالیہ سالوں میں سہراب گوٹھ پر المحسن ولیج، ادھی ولیج ہائی وے، چارٹر آف کمپیشن پارک کورنگی اور سکھر اور سویٹ ہوم فاؤنڈیشن ڈی ایچ اے کے منصوبوں پر کام کیا گیا ہے۔